كوردى عربى ئینگلیزى
searh
 
Home لاپه‌ڕه‌ى سه‌ره‌كى > زانیاری > هه‌واڵ و ئاگاداریى
هه‌واڵ و ئاگاداریى

نووسه‌ر Web Admin به‌روار 26/08/2020
بابه‌ت وەزیری گواستنەوە و گەیاندن فڕۆکەخانەی نێودەوڵەتی ئەربیلی بەسەرکردەوە
ناوه‌رۆك ئەمڕۆ چوارشەممە رێکەوتی (٢٠٢٠⁄٨⁄٢٦) ، بەڕێز ئانۆ جەوهەر، وەزیری گواستنەوە و گەیاندنی حکومەتی هەرێمی کوردستان فڕۆکەخانەی نێودەوڵەتی ئەربیلی بەسەر کردەوە و لە لایەن بەڕێز تەلار فایەق، بەڕێوەبەری گشتی فڕۆکەخانە و ژمارەیەک بەرپرسی بەش و ستافی فڕۆکەخانەوە پێشوازی لێ کرا.

پاش بەسەرکردنەوەی ژمارەیەک لە بەشەکانی فڕۆکەخانە، لە کۆبوونەوەیەکدا باس لە رۆڵی گرنگی فڕۆکەخانەکانی هەرێمی کوردستان (ھەولێر و سلێمانی) و هەوڵ و ماندووبوونیان لە خزمەتکردنی گەشتیاران کە دوو دامەزراوەی هەرە گرنگی وەزارەتی گواستنەوە و گەیاندنی حکومەتی هەرێمی کوردستانن و هەمیشە پێویستیان بە پشتگیری بەردەوامە لە پێناو پێشکەشکردنی باشترین خزمەتگوزاری بە هاووڵاتیان و گەشتیاران.

لە تەوەرێکی دیکەی کۆبوونەوەکەدا، باس لە رێوشوێنەکانی خۆپارێزی و پاراستنی تەندروستی گەشتیاران لە پەتای کۆڕۆنا COVID-19ی نوێ کرا کە بەپێی ستانداردی رێکخراوی تەندروستی جیهانی WHO، سەلامەتی هەمووانی زامن کردووە و گرنگی پەیڕەوکردنی پرەنسیپەکانی خۆپارێزی و دوورکەوتنەوە لە کەسانی دیکە لە کاتی گەشتی هاووڵاتیان و گەشتیاران دووپات کرایەوە.

وێڕای دەستخۆشی لە بەڕێز تەلار فایەق، بەڕێوەبەری گشتی فڕۆکەخانە، جەخت لەسەر کارو شەونخونی زیاتر کرایەوە لە پێناو پێشخستنی زیاتری ئەم کەرتە گرنگەی هەرێمی کوردستان کە ئامانج و بەرنامەی کابینەی نۆیەمی حکومەتی هەرێمی کوردستانە.
فایل No File
  List

په‌یوه‌ندی كردن