كوردى عربى ئینگلیزى
searh
 
Home لاپه‌ڕه‌ى سه‌ره‌كى > زانیاری > هه‌واڵ و ئاگاداریى
هه‌واڵ و ئاگاداریى

نووسه‌ر Web Admin به‌روار 05/02/2020
بابه‌ت فڕۆکەخانەی نێودەوڵەتی ئەربیل پێشوازی لە گەڕانەوەی هێڵی ئاسمانی گۆڵف ئێر دەكات
ناوه‌رۆك ئەمڕۆ، فڕۆکەخانەی نێودەوڵەتی ئەربیل پێشوازیی كرد لە هیڵی ئاسمانی گۆڵف ئێر و دووبارە دەستكردنەوەی بە گەشتەكانی كە هەفتانە سێ گەشت ئەنجام دەدات.
گەڕانەوەی هێڵی ئاسمانی گۆڵف ئێر، دوای حەوت ساڵ وەستانی گەشتەكانی، لە رێگەی مەراسیمێكەوە کە لە فڕۆکەخانەی نێودەوڵەتی ئەربیل بەڕیوەچوو، پێشوازیی لێ كرا. ئەم هێڵە ئاسمانییە هەفتانە سێ گەشت لە نێوان بەحرێن و هەولێر ئەنجام دەدات، ئەوانیش لە رۆژانی یەك شەممە (كاتژمێر ١٧.١٥)، سێ شەممە (كاتژمێر ١٢.٤٥ی دوای نیوەڕۆ) و پێنج شەممە (كاتژمێر ١٧.١٥). بە گەڕانەوەی هێڵی ئاسمانی گۆڵف ئێر، کە گەشتەكانی لە/بۆ وڵاتی بەحرێن ئەنجام دەدات، دەرفەت بۆ هاووڵاتیان زیاتر دەبێت بۆ گەشتكردن بەهۆی ئەوەی کە كۆی ئەو شوێنانەی لە وڵاتی بەحرێنەوە گەشتیان بۆ ئەنجام دەدرێت، (٥٧) شوێنە.
سەبارەت بە گەڕانەوەی هیڵی ئاسمانی گۆڵف ئێر، خاتوو تەلار فایەق، بەڕێوەبەری گشتیی فڕۆکەخانەی نێودەوڵەتی ئەربیل رایگەیاند: "بەخێرهاتنی هێڵی ئاسمانی گۆڵف ئێر دەكەین كە دووبارە گەڕایەوە. ئەنجامدانی سێ گەشت لە هەفتەیەكدا، متمانە و جێگیریی هەرێمی کوردستان دەردەخات و سوودێكی زۆری دەبێت بۆ ئەو هاووڵاتیانەی کە گەست ئەنجام دەدەن".
وتیشی: "هەرێمی كوردستان شتێكی جیاواز لە بەشەكانی دیكەی ئەو وڵاتە پێشكەش دەكات، ئەویش جێگیری و ئاسایشە، كە لە سایەی قوربانیدانی پێشمەرگە قارەمانەکانمان و پشتگیریی هاوپەیمانانمان هاتوونەتە کایەوە".
ئەوەشی وت کە: "بە هاتنی هیڵی ئاسمانی گۆڵف ئێر، ئەم هێڵە چووە پاڵ ئەو هێڵە ئاسمانییە نیودەوڵەتییانەی دیکە کە لە (٣٤) شاری جیاجیای (٢٠) وڵات گەشت لە/بۆ فڕۆکەخانەی نێودەوڵەتی ئەربیل ئەنجام دەدەن، کە ئەمەش كاریگەریی دەبێت لەسەر گەشەسەندنی ئابووریمان، بۆیە سوپاسی هێڵی ئاسمانی گۆڵف ئێر دەكەم بۆ ئەو متمانەیەی کە بە ئێمەی بەخشی. سەبارەت بە ئەرکی ئێمە لە فڕۆکەخانەی نێودەوڵەتی ئەربیل، ئێمە زۆر بە جدی كار دەکەین شانبەشانی هاوبەشەكانمان لە کەرتی تایبەت وەكو کۆمپانیای (Dnata) کە خزمەتگوزاری زەمینی فڕۆكە و کۆمپانیای ئێر بی پی (Air BP) کە خزمەتگوزاری سووتەمەنی فڕۆكە پێشكەش دەكات، بە مەبەستی خزمەتكردنی ئێوە و گەشتیارەکانمان بە باشترین شێوە".
خاتوو تەلار فایەق ئەوەشی راگەیاند کە: "لەو كاتەوەی کە هێڵی ئاسمانی گۆڵف ئێر لە ساڵی (٢٠١٢) گەشتەکانی راگرت، هەرێمەكەمان بە چەندین قۆناغی سەختدا تێپەڕی. هیوادارین كە حەوت ساڵی داهاتوو، بە پێچەوانەی حەوت ساڵی رۆیشتوو بن و ببنە ساڵانی ئارامی و پێشكەوتن، لە كاتێكدا حکومەتی هەرێمی كوردستان، شانبەشانی حکومەتی فیدڕاڵ و هاوپەیمانە نێودەوڵەتییەكانی، هەوڵی پاراستنی ئاسایش و جێگیریی هەرێم و گەشەسەندنی ئابووری بدەن بە مەبەستی خزمەتكردنی زیاتری هاووڵاتیان لەم بەشەی عێڕاقدا".

فایل No File
  List

په‌یوه‌ندی كردن