كوردى عربى ئینگلیزى
searh
 
Home لاپه‌ڕه‌ى سه‌ره‌كى > زانیاری > هه‌واڵ و ئاگاداریى
هه‌واڵ و ئاگاداریى

نووسه‌ر Web Admin به‌روار 30/07/2019
بابه‌ت ئاڤێستا كافێ لە "فڕۆكەخانەى نێودەوڵەتى ئەربیل" خەڵاتێكى تایبەت دەباتەوە لە كێبڕكێى نێودەوڵەتى خۆراك و خواردن
ناوه‌رۆك ئاڤێستا كافێ لە "فڕۆكەخانەى نێودەوڵەتى ئەربیل" خەڵاتى یەكەمى بەدەست هێنا لە كۆنفڕانسى جیهانى خۆراك و خواردنەوەكان.
بەخشینى ئەو خەڵاتە تایبەتە لە كۆنفڕانسى ساڵانەى كەرتى خۆراك و خواردنەوەكانى فڕۆكەخانە بۆ ساڵى 2019، "كۆنفڕانسى فاب 2019" لە فۆرت وۆرت، داڵاس، ویلایەتە یەكگرتووەكانى ئەمەریكا، بەڕێوەچوو. بە ئامادەبوونى سەدان كۆمپانیا لە بوارى جیا جیا، بە ئامانجى ناساندنیان بە نایاب لە كەرتى گەیاندنى خۆراك و خواردنەوەكان، ئاڤێستا كافێ-ى فڕۆكەخانەى نێودەوڵەتى ئەربیل باشترین خەڵاتى بەدەست هێنا.
بەوشێوەیەش، "ئاڤێستا كافێ" بوو بە نوێنەرى عێراق لەبوارى خۆراك و خواردنەوەكان بە بردنەوەى ئەو خەڵاتە. دادوەرەكان ستایشى ئەو داهێنان و پێداگرى و پێشكەوتنەیان كرد و ئاماژەیان كرد بە بوژانەوەى كەرتەكانى وەبەرهێنان و پەرەپێدان لەساڵى 2014ـەوە تاكو ئەمڕۆ، بەتایبەتى پاش جەنگ لەدژى رێكخراوى تیرۆریستى داعش و سستبوونى كەرتى ئابوورى.
لە باڵەخانەى تێڕمیناڵى "فڕۆكەخانەى نێودەوڵەتى ئەربیل" شەش كافێى "ئاڤێستا" هەیە، كە پێداویستییەكانى گەشتیارانى گشتى دابین دەكەن. دوایین شوێن بۆ ئاڤێستا كرایەوە پێكهاتووە لە كافێ و باڕ و رێستوڕانتى خۆراك و خواردنەوەكان لە هەردووك لە باڵەكانى فڕۆكەخانە، كە جەخت دەكاتە سەر خزمەت گەیاندن بەو گەشتیارانەى مۆڵەتى گەشت و ئاسایشیان هەیە و كە چاوەڕوانى گەشتەكانیان دەكەن.
تەلار فایق، بەڕێوەبەرى گشتى "فڕۆكەخانەى نێودەوڵەتى ئەربیل"، وتى: "سام مایكڵ" و تیمەكەى لەپشت بردنەوەى ئەم خەڵاتەن. هۆكارى بردنەوەیان بە خەڵاتێكى تایبەت لە كۆنفڕانسى پیشەسازى "فاب 2019" دەگەڕێتەوە بۆ دید و خۆڕاگرى و بوێرییان لە بەردەوامبوونیان لە وەبەرهێنان لە 2014ـەوە.
لە هاوینى 2014، كاتێك زۆرێك لە كۆمپانیاكان هەولێر-یان جێدەهێشت، "سام" و تیمەكەى سەرقاڵبوون بە وەبەرهێنان و كردنەوەى كافێ و رێستوڕانتەكانى خۆراك و خواردنەوەكان لە فڕۆكەخانە نێودەوڵەتییەكانى جیهان. لەو ساتە وەختەدا، فڕۆكەخانە داخرا، بەدرێژایى شەش مانگ ئابڵۆقەى نێودەوڵەتى لەسەرى هەبوو و كارەكانى "فڕۆكەخانەی نێودەوڵەتى ئـەربیل" وەستا، بەڵام "ئاڤێستا" بە هێزەوە پاپەند بوو لە ئەركەكانى و بەردەوامبوو لە پێشكەشكردنى خزمەتگوزارییەكانى بۆ گەشتیارانى گشتى.
"فڕۆكەخانەى نێودەوڵەتى ئەربیل" و "حكومەتى هەرێمى كوردستان" سوودمەند بوون لەو سەركەوتنەى "ئاڤێستا" لەڕێگەى ئەو داهاتانەى لە گرێبەستەكەى بەدەستیان دەهێنا، بەڵام ئەوەى زیاتر سوودمەند بوو گەشتیارەكان بوون كە چێژیان لە كواڵیتییە بەرزەكەى خۆراك و خواردنەوەكانیان وەردەگرت.
پیرۆزباییەكى گەرم لە تیمى "ئاڤێستا" دەكەم بۆ بردنەوەیان بەو خەڵاتە.

"سارا جێنێست" رێكخەرى "كۆنفڕانسى فاب"، وتى: دادوەرەكان ئەو زەحمەتى و بەرەنگارییەیان لەبەرچاوگرت كە دووچارتان بوو و توانیتان بیبەزێنن. كارێكى مەزنتان كردووە و شایستەى خەڵاتەكەن.

"سام مایكڵ"، بەڕێوەبەرى جێبەجێكارى كۆمپانیاى "بتكۆ" و خاوەنى ماركەى "ئاڤێستا"، وتى: سوپاسى وشە جوانەكانى بەڕێوەبەرى گشتى فڕۆكەخانە دەكەم و سوپاس بۆ "فڕۆكەخانەى نێودەوڵەتى ئەربیل" كە لەسەرەتاى كردنەوەى رێستوڕانتەكانى "ئاڤێستا" و لە ساتەوەختى هەستیار پاڵپشتمان بوو. خەڵات و پێزانینى كۆنفڕانسى خۆراك و خواردنەوەكان جێگەى خۆشحاڵى خۆم و تیمى "ئاڤێستا"یە. ئەمە بەرهەمى كارى تیمە و بەڵگەیە لەسەر ئەوەى سەركەوتوو بووین لە هێنانى پێوەرە نێودەوڵەتییان بۆ ئەم وڵاتە. ئەم خەڵاتە هاندەرمانە بۆ بەردەوامبوونمان لەسەر كاركردن و گرنگیدان بە خزمەتگەیان بە كڕیارەكان بە بەرزترین كواڵیتى و پێوەر و تا دوا پلەى تواناكانمان.
هیوادارین لە چەند مانگ و ساڵانى داهاتوودا بتوانین بیرۆكە و داهێنانى نوێ بێنینە ئاراوە بۆ ماركەى "ئاڤێستا" و تاكو لە تواناماندا هەبێت باشترین خزمەتگوزارى پێشكەش بكەین.
فایل No File
  List

په‌یوه‌ندی كردن